.png)
Me çfarë po duket këto javë të fundit, titulli i këtij kampionati do të përcaktohet me “fotofinish”. Vendin e parë nga i pesti, pra gjysmën e parë të Superiores, i ndajnë 6 pikë, ndërkohë që kreu ndryshon pronar javë pas jave. Kanë mbetur edhe 4 ndeshje nga fundit dhe gjithçka mund të ndodhë, por favoritët mbeten dy kryesuesit aktualë, Teuta dhe Partizani.
Partizani humbi sot një mundësi të mirë në Korçë, ku barazoi me rezultatin 1-1 dhe i lëshoi vendin e parë Teutës. Ishte një ndeshje e dominuar nga skuadra e Ilir Dajës, që shpërdoroi shumë raste të pastra shënimi. Të kuqtë kaluan në avantazh me Zhunior në fundin e pjesës së parë, por korçarët barazuan me Mensah në të dytën. Edhe këtë herë Partizani vuajti finalizimin e dobët të aksioneve. Është një gabim që mund të kushtojë në fund për kryeqytetasit, që tani duhet të përgatiten për derbin.
Ndeshja e luajtur në Durrës mes Teutës dhe Bylisit nuk pati histori, pasi vendësit kanë fituar ndoshta më lehtë nga sa e kishin menduar. Skuadra e trajenrit Edi Martini shënoi 4 gola, duke përmirësuar kështu edhe golaverazhin dhe tani udhëheq me 59 pikë, ndaj 58 të Partianit. Ballshiotët ndërkohë kanë zbritur në dyshen e fundit të renditjes, pasi janë barazuar me pikë nga Skënderbeu, që në sfidat direkte ka bilanc më të mirë.
Superiore, java e 32-të
Sot
Tirana-Kastrioti 1-0
Apolonia-Laçi 0-1
Skënderbeu-Partizani 1-1
Teuta-Bylis 4-0
Të premten
Kukësi-Vllaznia 3-1
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
