.png)
Gazeta Si - Një departament policie në Kaliforni në SHBA, është nën akuzë, pasi oficerët qëlluan dhe vranë një persona invalid në karrige me rrota.
Ky është rasti i shumëfishtë i brutalitetit vdekjeprurës të policisë ndaj një burri me ngjyrë në SHBA.
Anthony Lowe, 36 vjeç, u vra nga oficerët të enjten e kaluar në Huntington Park, një qytet në jug të Los Anxhelosit.
Pamjet filmike kapën një pjesë të ngjarjes tragjike: Lowe shtrihet në trotuar pranë karriges së tij me rrota dhe duket se po ikën, ndërsa dy oficerë i afrohen me armë në dorë.
Oficerët ndjekin Lowe, por video nuk i kap të shtënat. Policia konfirmon se oficerët përdorën një “taser” (pistoletë paralizuese) dhe kur ajo “nuk kishin efekt”, ata qëlluan burrin. Ai u shpall i vdekur në vendngjarje.
Policia e Huntington Park, tha se oficerët po i përgjigjeshin një raporti për një goditje me thikë të kryer nga një përdorues mbi karrige me rrota.
Më pas ata u përballën me Lowe në rrugë dhe u përpoqën ta ndalonin. 36-vjeçari ka shpërfillur urdhrat dhe madje kishte kërcënuar se do të hidhte thikën ndaj oficerëve.
Sipas një zëdhënësi të policisë, në fund u qëlluan dhjetë plumba. Oficerët nga departamenti i përfshirë nuk mbajnë kamera, por sherifi i Los Anxhelesit, tani po heton çështjen.
Familja e Lowe po kërkon që oficerët e përfshirë të shkarkohen dhe të akuzohen për vrasje. "Jam e shkatërruar dhe jam e tërbuar", - thotë motra e vogël e Loëe, Tatiana për “The Guardian”.
“Unë thjesht nuk mund ta kuptoj pse ata do t'i bënin diçka të tillë dikujt në një karrige me rrota. Më shpjegoni se cila ishte arsyeja për të qëlluar një burrë pa këmbë”.
Vdekja e Lowe-t vjen mes një stuhie kombëtare pas arrestimit fatal të Tire Nichols, 29 vjeç. Ai u vra në janar pas një arrestimi brutal dhe të dhunshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
