Një 34-vjeçar nga Tepelena është gjobitur dhe bllokuar makina pas një videoje të publikuar në rrjetet sociale. I riu me iniciale A.K. dy ditë më parë ishte filmuar teksa kryente manovra të rrezikshme në rrugë, duke rrezikuar jetën e tij dhe të qytetarëve të tjerë.
Ai shihet teksa lë timonin e mjetit dhe hipën mbi makiën dhe gjatë gjithë kohës filmohet dhe pamjet janë publikuar në Tik Tok dhe mediat e tjera sociale. Ngjarja ka ndodhur në rrugën e brendshme të fshatit Dragot, Tepelenë, ku 34-vjeçari drejton mjetin tip “Volkswagen”.
Ky person është ndëshkuar me një gjobë 60.000 Lekë të rinj dhe i është bllokuar patenta. Po ashtu i ndalohet që të shesë makinën deri në shlyerjen e gjobës.
Policia u bën thirrje të gjithë drejtuesve të mjeteve që të trespektojnë rregullat e qarkullimit rrugor dhe të mos rrezikojnë jetën e tyre dhe të qytetarëve të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.