.png)
Milan ka marrë fitoren e dytë radhazi në Grupin H të Europa League, pasi ka mundur me rezultatin e pastër 3-0 skuadrën e Sparta Prague në San Siro.
Edhe pse të zhgënjyer pas barazimit në Serie A me Romën, milanezët treguan një formë shumë të mirë duke mundur me rezultatin 3-0 ekipin e çek. Golat u shënuan nga Brahim Diaz (24′), Leao (57′) dhe Dalot (67′). Milan ka shënuar 2 ose më shumë gola në 12 ndeshje radhazi të luajtura në të gjitha kompeticionet për herë të parë që nga fillimi i sezonit 1929/30 të Serisë A. Për tu përmendur fakti që Zlatan Ibrahimovic ka humbur një penallti në minutën e 36-të të ndeshjes.
Milani ndodhet kështu në krye të grupit me 6 pikë, të ndjekur nga Lille me katër. Francezët kanë marrë një barazim 2-2 kundër Celtic-ut. Skocezët mbajnë vendin e tretë me një pikë, ndërsa Sparta ndodhet në të fundit me zero pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
