Shtypi spanjoll ka vendosur të ruajë politikat e shtetit të tij përgjatë kësaj kohë, duke mos e përmendur emrin e Kosovës në artikujt e tyre, madje edhe duke iu referuar me termin territor. Diçka të tillë e ka bërë edhe media e njohur “AS“, por që sot është detyruar të thotë hapur emrin e Kosovës.
Meqenëse Spanja nuk e ka njohur Pavarësinë e Kosovës, trajtimi që i kanë bërë mediat spanjolle nuk ka qenë aspak i këndshëm, madje gazeta “AS” nuk e ka vendosur aspak emrin e Kosovës në renditje duke lënë thjesht flamurin…
Pikërisht në konferencë, kur gazetari i AS i drejtoi një pyetje trajnerit të Dardanëve, Challandes, menaxheri Bajram Shala ka marrë fjalën duke detyruar gazetarin të thotë pyetje për “trajnerin e Kosovës”…
Gazetari: Spanja vjen pas dy ndeshjeve të vështira, mendoni se Luis Enrique do të ndryshojë shumë gjëra për këtë ndeshje (kundër Kosovës)?
Shala: Kujt i drejtohet pyetja?
Gazetari: Për trajnerin.
Shala: Trajnerit të…? Trajnerit të…? Sepse nuk e kemi parë emrin e ekipit tonë kombëtar asnjëherë në median tuaj. Prandaj, do të duhej të ishte e qartë se për trajnerin e cilit ekip është pyetja.
Gazetari: Pyetja është për trajnerin. Dua të di nëse ka një koment për faktin që Luis Enrike mund të ndryshojë shumë gjëra për ndeshjen e nesërme.
Shala: Po, por për trajnerin e cilës skuadër? Sepse nuk e kemi parë kurrë emrin e ekipit tonë kombëtar në raportimet e gazetës tuaj.
Gazetari: Pyetja është për trajnerin…
Shala: Të cilës skuadër?
Gazetari: Të Kosovës…
Shala: Në rregull. Tani ai do të përgjigjet.
🇽🇰🇪🇸 | SHALA V @English_AS
— Kosovans Abroad (@KosovansAbroad) March 30, 2021
Kosovo’s Bajram Shala was very stubborn in his attempt to get the AS journalist to refer to our NT as Kosovo.
AS has previously referred to Kosovo as a territory rather than a country & is amongst the countries that do not recognise Kosovo.
🇽🇰💛💙 pic.twitter.com/ADOggGOUkM
Një nga çështjet që u komentua më së shumti këto ditë ishte nëse Spanja do ta lejojë ekzekutimin e himnit të Kosovës dhe flamurin në këtë ndeshje, pasi ky shtet nuk e njeh pavarësinë e Dardanëve… Për këtë çështje ka folur kryetari i Federatës së Futbollit të Kosovës, Agim Ademi. Ai deklaroi se nëse nuk do të shfaqet flamuri dhe nuk do të vendoset himni i Kosovës para ndeshjes, ekipi do ta largohet nga fusha.
“E dimë që Spanja është një shtet jashtëzakonisht i fortë dhe i lashtë dhe e ka një histori me shqiptarët. Ju e dini që këtu janë varrezat e Asim Vokshit dhe Xhemajl Kadës që kanë dhënë jetën e tyre për çlirimin e popullit spanjoll. Pastaj te historia e re e Kosovës dhe të krijuarit e Kosovës shtet është një burrështetas pikërisht i Spanjës i cili ka dhënë urdhër për bombardimin e NATO-s në favor të Kosovës. Ai është Javier Solana. Po ashtu edhe ushtarët spanjollë janë pjesë e NATO-s dhe KFOR-it që edhe sot janë pjesë në Kosovë”.
“Duke i marrë parasysh këto unë asnjëherë nuk kam dyshuar. Unë i falënderoj shumë Federatën e Spanjës që na ka pritur jashtëzakonisht mirë me protokoll dhe jashtë protokollit në mënyrën më të mirë shoqërore”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.