.png)
Gazeta Si - Tre persona janë arrestuar në Korçë, pasi u kapën me 40 kg kanabis në makinë.
Gjatë finalizimit të fazës së shtatë të operacionit "Restart", i cili ka nisur 5 muaj më parë janë vënë në pranga: Andrea (Drini) Myrtollari, Asqeri Bebri, Astrit Sinani.
Ata u kapën në aksin Korçë-Ersekë, në afërsi të fshatit Dvoran, Korçë, ku në drejtimin e makinës ishte Asqeri Bebri dhe pasagjerë të tjerët.
Gjatë kontrollit në automjet, në bagazhin e tij, u gjetën e sekuestruan 22 (njëzetë e dy) pako me peshë totale 40 kg lëndë e dyshuar narkotike kanabis.
Sipas policisë, tre të arrestuarit ishin pjesë e një grupi kriminal të goditur më parë nga policia.
Kështu, shkon në 19 numri i të ndaluarve dhe në 485.5 kilogramë lëndë narkotike kanabis e sekuestruar me qëllim trafikimin në Greqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
