.png)
Gazeta Si - Gjatë një hetimi 6-mujor, nga periudha nëntor 2021, deri në prill 2022, janë kryer 7 operacione, që kanë çuar në pranga 19 persona në Korçë.
Operacioni që mori emrin e koduar “restart”, u zhvillua në kuadër të goditjes së trafikimit të lëndëve narkotike.
Pas këtyre hetimeve, Prokuroria e Korçës thotë se janë sekuestruar 485.5 kg lëndë narkotike, e destinuar të trafikohej në Greqi.
Kështu, është bërë e mundur të dokumentohet veprimtaria kriminale në fushën e shitjes së lëndëve narkotike për 31 persona të dyshuar, shumica prej të cilëve në më shumë se një rast.
Përveç 19 të arrestuarve, janë sekuestruar 1 armë sportive; 4 automjete; 1 presë e cila shërbente për paketimin e lëndës narkotike, 1 peshore elektronike si dhe 1 armë zjarri automatike dhe 1 krehër me 9 fishekë pa leje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
