Gazeta Si - Tre persona të tjerë janë arrestuar në Korçë në vijim të operacionit “Restart” të nisur 3 muaj më parë për goditjen e trafikimit të lëndëve narkotike drejt Greqisë.
Në pranga kanë rënë Ertin Hoxhalli 35 vjeç i cili aktualisht ishte në shërbim prove, Kastriot Hoxha 42 vjeç dhe Zarif Beqiri 53 vjeç.
Gjatë aksionit të zhvilluar në fshatrat e njësive administrative Pojan dhe Maliq u sekuestruan 70 kilogramë kanabis të tjera, duke e çuar numrin total të lëndës narkotike të sekuestruar në 322 kg.
Në banesën e Ertin Hoxhallit, policia gjeti dy pako me lëndë të dyshuar narkotike kanabis me peshë 1.5 kg dhe 1 peshore elektronike.
Në banesën e Kastriot Hoxhës u gjet 1 armë zjarri automatik me një krehër të vendosur në folenë e tij, me 9 fishekë pa leje, si edhe në banesën e Zarif Beqirit janë gjetur 126 pako me lëndë të dyshuar narkotike kanabis me peshë totale 70 kg, të cilat u sekuestruan në cilësinë e provës materiale.
Me 3 arrestimet e fundit shkon në 10 numri i personave që kanë rënë në prangat e policisë gjatë këtij operacioni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.