.png)
Rezultat i pabesueshëm në javën e 6-të të Eredivisie në sfidën mes Venlo dhe Ajaxit të Amsterdamit. Ajax ka shkruar sërish historinë e futbollit holandez duke fituar në transfertë ndaj Venlo me rezultatin 13-0. Fitorja më e thellë e fundit e Ajax, ka qenë para 48 viteve kur mposhtën Vitesen me rezultatin 12-1.
Ajaxi praktikisht e fitoi ndeshjen që në pjesën e parë, duke shënuar katër herë në 45 minutat e para, mirëpo në të dytën kur vendasit mbetën me 10 vetë, ku në minutën e 52-të u ndëshkua me të kuq Kum, miqtë shtynë me shumë forca përpara duke shënuar edhe nëntë herë të tjera, ku çdo top që hynte në zonën e kundërshtarëve, përfundonte në rrjetë.
Golat u shënuan nga Traroe me plot pesë gola, Huntelaar dhe Ekkelenkamp me dygolësh, ndërsa nga një gol shënuan Tadic, Blind, Anthony dhe Martinez. Ky është rezultati më i thellë i regjistruar në Eredivisie, duke thyer rekordin e PSV, që në vitin 2010 mposhti Feyenoord 10-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
