Video/ Kanabis edhe në malin e Olimpit, goditet karteli shqiptaro-grek me një plantacion 40 hektarë

Gazeta Si - Mafia shqiptare me trafikantët grekë kanë tentuar të krijonin kartelin më të madh të kanabisit në Evropë në malin më të lartë të vendit, pikërisht në Olimp, i njohur ndryshe si mali i Zotave.

Mediat greke njoftojnë se autoritetet kanë arritur të shkatërrojnë kartelin shqiptaro-grek të drogës.

Sipas gazetës "Protothema", u zbulua një plantacion prej 40 hektarësh në pesë nivele që do të prodhonte në fazën e parë më shumë se 11 tonë kërp të cilësisë së shkëlqyer me fitime që do të kalonin 40 milionë euro.

Aktiviteti nisi një vit më parë, me prerjen e qindra pemëve në anën lindore të Olimpit, në lartësinë 1500 metra, krijimin e një sistemi të posaçëm vaditjeje të gjatë disa kilometra nga burimet e Olimpit dhe "kartën" e dhjetëra mushkave për të transportuar lëndët e para, veglat, por edhe të korrat e “artë”.

Rreth 15 veta punonin për të mbjellat çdo ditë, ndërkohë që organizata ishte kujdesur për gjithçka.

Madje grupi kriminal kishte një fermentues buke për punëtorët që punonin varur në anën lindore të Olimpit, ndërsa kishte edhe gra që kujdeseshin për ushqimin dhe pastërtinë e tyre.

Mirëpo versioni grek i “Narcos” u shemb pas gati dy muajsh hetime nga EL.AS. dhe operacioni madhor në anën e egër të ‘Malit të Perëndive’, ku morën 120 oficerë policie, dronë dhe helikopterë.

Gazeta prezanton përmes përshkrimeve, informacioneve, reportazheve dhe dokumenteve fotografike të pabotuara ka treguar se çfarë ndodhte në Olimp. U shënua një rast i paprecedentë, pasi u shkulën me rrënjë 5052 fidanë 3 metra të lartë, ndërsa u gjetën gati 22 kg që kishin arritur të thaheshin.

Në fakt, para se të fillonin ecjen, nëpër lugina, policët e shikonin zonën me dylbi për të mos rënë në postblloqe dhe kurthe. Më në fund, në orët e para të 15 shtatorit, ekipet e zbulimit të policisë gjejnë objektivin.

Në një lartësi prej 1500 metrash, në zonën e malit Olimp, ata gjejnë atë që kanë kërkuar prej një muaji.

Ajo që ata panë ishte vërtet mbresëlënëse. Plantacioni shtrihet në 5 nivele, me një sipërfaqe totale prej 40 hektarësh. Në zonë kishte ambiente për stafin që ishte zhvendosur atje lart, si dhe tharëse për bimët.

Anëtarët kryesorë të mafies shqiptare donin të ngrinin qendrën e prodhimit të kanabisit me cilësi të lartë në Evropë në malin ‘më të egër’.

Vendi që ata zgjodhën kërkonte një numër të madh njerëzish për të punuar, por edhe financim të madh, pasi kostot e prodhimit u shumëfishuan për shkak të topografisë së zonës.

Hetimet nuk përfunduan me operacionin në Olimp, pasi tani ata kërkojnë liderin që donte të ngrinte kartelin. Gjithçka tregon se “Eskobari i Greqisë” është një person me burime të mëdha financiare. Ai po gjurmohet dhe është shpallur në kërkim.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.