.png)
Barcelona ka pësuar një humbje turpëruese në javën e 10-të të kampionatit në La Liga. Katalanasit janë mundur 2-1 në fushën e Kadizit, duke përfunduar në vend të shtatë të renditjes me 14 pikë. Një tjetër zhgënjim që vërteton se Barcelona e këtij sezoni është shumë larg asaj të zakonshmes.
Kadizi kaloi në avantazh pas 8 minutash me Gimenez. Barcelona ishte me fat, pasi një autogol i Alkala solli barazimin dhe u duket se do të vinte përmbysja, por Alvaro Negredo, i aktivizuar nga stoli, shënoi golin e dytë për Kadizin, që renditet i pesti në kampionat. Barcelona pëson kështu një tjetër disfatë dhe nevoja për ndryshim është emergjente.
Ka vuajtur jo pak edhe Reali i Madridit në fushën e Seviljes, por në fund ia ka dalë të marrë 3 pikë të rëndësishme, duke fituar 0-1. Trajnerin Zinedin Zidan e ka shpëtuar një autogol i portierit Bono. Renditjen në Spanjë e kryeson Atletiko Madrid, që ka mundur Valadolidin 2-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
