Një fitore me përmbysje e Juventusit ndaj Lacios dhe vendi i dytë tashmë është vetëm 1 pikë larg. Të besuarit e trajnerit Andrea Pirlo, që e nisi ndeshjen me Kristiano Ronaldon në stol, e zgjidhën mirë situatën, duke fituar 3-1 dhe kështu mund të presin me moral të lartë Porton në Ligën e Kampionëve.
Korrea e kaloi Lacion në avantazh, pas një gabimi në pasim të Kulusevskit. Por Juventusi barazoi në pjesën e parë me francezin Rabiot. Në pjesën e dytë mendoi Alvaro Morata për t’i dhënë tri pikët skuadrës bardhezi. Spanjolli shënoi dy gola, të dytin me penallti, për t’ia lënë më pas vendin Ronaldos.
Ndeshja pati disa episode interesante, dy raste të diskutueshme në zonën e Lacios, një penallti, si dhe një traversë të Milinkoviç-Saviç. Pas kësaj fitoreje, diferenca e Juventusit me kreun shkon në -7 pikë, por kampionët në fuqi kanë një ndeshje më pak. Tani bardhezinjtë kanë provën e vështirë me Porton në Champions, ku duhet një tjetër përmbysje për kualifikimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.