Nëse dikur përfshirja e femrës në futboll dukej një tabu në vendin tonë, duke e konsideruar si një sport vetëm për meshkujt, sot është një realitet. Nisja e një veprimtarie futbollistike për femra në Shqipëri konsiderohet si një kapërcim i madh i mentalitetit dhe traditës. Femrat shqiptare e kanë patur prej dekadash shumë të vështirë të qëndrojnë në shkallët e stadiumeve e jo më pastaj të jenë vetë protagoniste të fushës së blertë të futbolli
Tashmë ne kemi jo vetëm kampion futboll femrash, por edhe një numër të konsiderueshme gjyqtaresh që gjykojnë ndeshje edhe në kampionatin e meshkujve. Federata Shqiptare e Futbollit në kuadër të fushatës për përfshirjen e femrave në futboll, ka bërë një postim ku gjyqtaret shqiptare kanë dhënë një mesazh lidhur me pjesëmarrjen e femrave në këtë sport.
“Deri dje në Shqipëri, femra në futboll dukej një gjë e rrallë dhe ndryshe. Sot, ky realitet është tejkaluar. Femrat janë edhe drejtuese ndeshjesh, pra arbitre futbolli. Dhe prej vitesh edhe arbitre ndërkombëtare. Ky është një realitet i ri. Një risi për futbollin dhe për shoqërinë shqiptare. #Vajza, bashkohuni me ne! Me familjen e madhe të futbollit!”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.