.png)
Real Madrid e ka fituar edhe finalen e dytë kundër Interit, me rezultatin e pastër 0-2. Zikaltrit janë me një këmbë jashtë Champions League, pasi Borussia M’Galdbah fitoi edhe sot. Eden Hazard ka zhbllokuar ndeshjen nga pika e bardhë pas një penalltie të fituar nga Nacho, me vendimin e arbitrit që është pasuar nga protestat e lojtarëve të Conte-s. Belgu është bërë lojtari i dytë i Real Madrid që shënon një gol në transfertë kundër Inter-it në Champions League pas Clarence Seedorf në nëntorin e 1998-ës. Vidal u ndëshkua me karton të kuq për protesta që në pjesën e parë dhe Rodrygo për Realin shënoi edhe golin e dytë, duke vulosur fitoren. Kjo humbje e lë Inter-in në vendin e fundit të grupit me dy pikë, gjashtë larg kreut të renditjes, kur kanë mbetur edhe dy ndeshje për t’u luajtur në fazën me grupe.
Bayerni nuk fal asgjë, pavarësisht se kryeson i shkëputur nga ekipet e tjera. Ekipi gjerman fitoi me rezultatin 3-1 ndaj Salzburgut, ndërsa ngec sërish Atletico Madridi. Ekipi spanjoll barazoi me rezultatin 0-0 ndaj rusëve të Lokomotivës së Moskës në shtëpi.
Befasi e madhe në Anfield Road. Atalanta dominon përballë Liverpool, duke e mposhtur 2-0 në shtëpi. Kampionëve të Anglisë me shumë ndryshime në formacion nuk i ka bërë punë as rikthimi i Salah, pas kalimit të Covid. Ilicic dhe Gosens kanë vënë përfund Reds në harkun e katër minutave duke hapur krejtësisht grupin. Në fushë për 90 minuta ishte Berat Gjimshiti, i cili dhuroi një paraqitje të shkëlqyer , duke mos lënë aspak hapësira në zonën e tij në difensivë.
CHAMPIONS LEAGUE – GRUPI A
Atletico Madrid 0 – 0 Lokomotiv Moscow
Bayern Munich 3 – 1 Salzburg
CHAMPIONS LEAGUE – GRUPI B
Borussia Moenchengladbach 4 – 0 Shakhtar Donetsk
Inter 0 – 2 Real Madrid
CHAMPIONS LEAGUE – GRUPI C
Olympiacos 0 – 1 Manchester City
Marseille 0 – 2 FC Porto
CHAMPIONS LEAGUE – GRUPI D
Ajax 3 – 1 FC Midtjylland
Liverpool 0 – 2 Atalanta
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
