Një fundjavë e mbarë për disa nga futbollistët e Kombëtares. Keidi Bare është ngjitur në La Liga, në nivelin elitar të futbollit spanjoll, pas barazimit 0-0 që Espanjoli arriti në fushën e Real Zaragozës. Pika e fituar në këtë transfertë e ka ngjitur matematikisht në La Liga Espanjolin.
Një sukses ky për mesfushorin fierak të Kombëtares, një nga lojtarët kryesorë në formacionin e Espanjolit. Sezonin e ardhshëm Bare do të ketë mundësinë të tregojë vlerat e tij mes më të mirëve të futbollit spanjoll, me shumë yjesh të futbollit botëror. Sigurisht, me më shumë interes pritet derbi me Barcelonën në kampionat. Keidi Bare është një nga lojtarët më të vlerësuar të Espanjolit, që kryeson kampionatin.
Le premier but (enfin) d'Armando Sadiku (TCC) #CopaTigo #SanJoseBolivar pic.twitter.com/6dWLxKMRxP
— Football Albanais (@FutbolliShqipFR) May 8, 2021
Më në fund është zhbllokuar në Bolivi Armando Sadiku, sulmuesi kuqezi që ka munguar në grumbullimet e fundit të Kombëtares. Ai la Turqinë dhe u transferua në Amerikën e Jugut në janar, por kishte hasur vështirësi për të gjetur rrugën e rrjetës me fanellën e Bolivarit.
Le doublé d'Armando Sadiku (qui se réveille enfin) #DivisionProfesional pic.twitter.com/goSKaNYFIw
— Football Albanais (@FutbolliShqipFR) May 8, 2021
Sadiku shënoi 2 gola në fitoren e thellë 5-0 ndaj San Hoze. Sulmuesi kuqezi zhbllokoi shifrat fillimisht, duke i shpëtuar pozicionit jashtë loje, ndërsa në fundin e pjesës së parë shënoi edhe golin e dytë personal. Kjo dopietë është pritur me shumë gëzim në stolin e Bolivarit, që ishte në pritje të golave të sulmuesit shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.