.png)
Gazeta Si - Babai nuk po kërkon vetëm hakmarrje për sulmin që i mori jetën vajzës së tij Darya, e cila vdiq në shpërthimin e makinës së saj mbrëmjen e së shtunës.
Por “mbi të gjitha fitorja”, përkatësisht përfundimi i Operacionit Special Ushtarak që filloi në shkurt me fshirjen e Ukrainës si shtet.
Dhe FSB, trashëgimtari kryesor i KGB-së, njofton se tashmë ka identifikuar sulmuesin ose, më mirë, sulmuesen, duke qenë se bëhet fjalë për një shtetase ukrainase dhe vajzën e saj 12-vjeçare.
Një deklaratë e publikuar nga mediat ruse plot detaje, por mbi të gjitha me mospërputhje dhe informacione që nëse janë të vërteta, vënë në dyshim aftësitë e hetuesve.
#FSB of the #RussianFederation publishes a video with the alleged killer of Darya Dugina.
— Luka (@Luka_zgd) August 22, 2022
Natalya Vovk enters #Russia, moves into the same house with the victim and leaves after the terrorist attack to #Estonia
FSB attached screenshots of various license plates and passport pic.twitter.com/jLTXd3iGhO
Ashtu si fakti që gruaja do të kishte hyrë në Rusi në korrik, ndërsa për muaj të tërë ajo ishte shfaqur në arkivat e vetë FSB-së si pjesë e grupeve ushtarake ukrainase.
Agjentët, që kanë zbardhur misterin brenda pak orësh, pretendojnë se e dinë se ukrainasja mbërriti me një makinë të pajisur me tre targa që përdoreshin me rotacion.
Ata e dinë se ajo jetonte me qira në të njëjtën ndërtesë me Darya Duginan në Moskë.
Postuan një foto të kartës së anëtarësimit të gruas në regjimentin famëkeq të Azov. Por e lanë të largohej dhe u mbeti vetëm videoja e makinës, një “Mini Cooper”, që kalonte kufirin me Estoninë.
Kremlini
Putini i dha Daryas urdhrin "e guximit" dhe, në një telegram, i shprehu ngushëllimet e tij Aleksandër Duginit për vrasjen "mizore dhe frikacake".
Vajza ishte një "person që rrezatonte diell, plot talent, me një dashamirësi të vërtetë, bamirëse, e ndjeshme”.
Në shumë qarqe, pas njoftimit të FSB-së, janë bërë thirrje për hakmarrje të menjëhershme kundër Kievit dhe regjimit "nazist" që është në pushtet.
Dhe shumë shkuan për pelegrinazh në shtëpinë ku jetonte vajza. Ndërkohë që Ukraina ka mohuar çdo përfshirje në ngjarjen e ndodhur në Moskë.
Por le të kthehemi te njoftimi i bujshëm i FSB-së. Vrasësi është identifikuar si Natalya Vovk, e cila hyri në Rusi më 23 korrik me vajzën e saj në makinën, e cila në atë kohë kishte një targë nga Republika e Pavarësisë së Donjeckut.
Më vonë, ajo do të merrte me qira një shtëpi në të njëjtën ndërtesë me Daryan, siç shihet në një video të publikuar.
Darya Dugina, Daughter of Aleksandr Dugin, often referred to as "Putin's brain", was assassinated in a car explosion near Moscow. pic.twitter.com/Mv6ELskCHK
— Nguyen Ken (@NguyenK68421403) August 21, 2022
Mbrëmjen e së shtunës ajo do të mbërrinte me vajzën e saj të vogël në konferencën ku ishte Dugina me të atin dhe më pas do të largohej sërish me makinë (këtë herë me targa ukrainase), pasi kishte vendosur eksplozivin nën mjetin e 30-vjeçares.
Vovk, e cila gjithashtu kishte udhëtuar edhe me një targë të Kazakistanit, do të filmohej duke u larguar nga Rusia në kufirin me Estoninë.
FSB publikoi kartën ushtarake të gruas, të lëshuar në vitin 2020 me mbiemrin Shaban, që do të ishte i bashkëshortit të saj.
Karta vërteton se i përket njësisë ushtarake 3057 të Gardës Kombëtare të Ukrainës, në të cilën është inkuadruar regjimenti Azov.
Disa agjenci hetimi kanë nxjerrë në pah mospërputhje të shumta. Ndërkohë, fakti është se që nga viti 2016, gruaja përdor mbiemrin e saj të vajzërisë, Vovk, pasi është divorcuar nga bashkëshorti.
Nga dokumentet ukrainase, rezulton se gruaja punonte në sektorin bankar. Ministria e Brendshme e Ukrainës deklaroi menjëherë se karta është false.
Makina, e cila thuhet se ka qenë në Rusi që nga korriku, u shfaq në një faqe tregtare ukrainase në gusht.
Midis fundit të korrikut dhe gushtit, e njëjta makinë do të sigurohej në Krime nga një person tjetër, një farë Yulia Zezera nga Kaliningrad. Është gjithashtu shumë e çuditshme që Vovk kreu aktin terrorist duke marrë me vete një vajzë të vogël.
Ish-deputeti
Ish-deputeti i opozitës në mërgim (në Kiev) Ilya Ponomarev foli për atë që ndodhi të shtunën në mbrëmje, kur Darya Dugina u vra në shpërthimin e makinës së saj jashtë Moskës.
Ai tha më herët se autorët i përkisnin një Ushtrie Kombëtare Republikane të pakapshme që e kishte autorizuar atë të kryente aktin.
Më pas, në mbrëmje ai foli për Vovk: “Ajo nuk ka pasur rol të drejtpërdrejtë” në atentat.
Por, sipas deputetit, “nuk është se nuk ka lidhje fare”, me ngjarjen. “Ajo nuk është autorja e sulmit, por është një person që meriton mbrojtje”.
Ponomarev shton se ai e ndihmoi atë të largohej nga Rusia. Në kanalin e tij Telegram, ai më pas specifikoi se e kishte bërë këtë "me kërkesë të miqve rusë". Por ai nuk shpjegoi se për cilët miq e kishte fjalën.
Pretendimet e saj, në thelb, duket se konfirmojnë çuditërisht se, në një farë mënyre, gruaja është e përfshirë në krim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
