.png)
Shkarkohet nga vettingu në polici, zyrtari i lartë i Policisë së Shtetit, Besim Shabani.
Besim Shabani me funksion Zv/Drejtor në Drejtorinë për Sigurinë Fizike të Personaliteteve të Larta Shqiptare dhe familjarëve të tyre në Gardën e Republikës nuk ka mundur të kalojë vettingun dhe trupa e vlerësimit e përbërë nga Ledian Rusta, Luljeta Qoku, Sonila Kadareja ka vendosur shkarkimin e tij.
Shabanit i janë gjetur probleme me pasurinë, ndërsa ka rezultuar i pastër në figurë dhe nga ana profesionale.
Zyrtari i lartë i policisë doli para dy ditësh para Komisionit të Jashtëm të Vlerësimit.
Në seancën dëgjimore, ai ka deklaruar si pasuri, një shtëpi me sipërfaqe 71.3 m2 e blerë edhe me një shumë 20 mijë dollarë, dhuruar nga vëllai i tij që jeton në Amerikë. Por kjo pasuri për Komisionin, nuk ishte provuar ligjërisht.
Sipas KJV, Shabani nuk kishte deklaruar as disa përfitime në interesa bankare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
