Lajme

Vetting-u, Komisioni i Pavarur i Kualifikimit konfirmon në detyrë gjyqtaren Manjola Xhaxho

Komisioni i Pavarur i Kualifikimit ka konfirmuar në detyrë gjyqtaren e Gjykatës së Tiranës, Manjola Xhaxho me vendimin e së hënës.

Pas seancës dëgjimore të 10 majit, KPK e gjeti të pastër figurën e gjyqtares duke theksuar se pas verifikimeve burimi i pasurisë së anëtarës së Gjykatës së Tiranës Manjola Xhaxho rezultonte i saktë.

“Ka burim financiar të ligjshëm, nuk ka kryer deklarim të rremë dhe nuk ka konflikt interesi” – u shpreh Komisioni i Pavarur i Kualifikimit më 10 maj.

Në seancën dëgjimore, KPK konstatoi se mungonte deklarata e vitit 2006, por gjyqtarja sqaroi se ka qenë me studime.

KPK njoftoi se gjyqtarja Xhaxho jeton në banesën e prindërve që ia kanë dhuruar në vitin 2011 dhe nga verifikimi del se ajo nuk ka pasuri tjetër dhe ndaj saj nuk ka asnjë masë disiplinore.

Gjyqtarja e Tiranës me një karrierë 15 vjecare, Manjola Xhaxho është edhe kandidate për Këshillin e Lartë Gjyqësor.


Copyright © Gazeta “Si”



Më Shumë