Vetëm 8% i arrijnë qëllimet e vitit të ri. Po ju, a jeni mes tyre?

Me fillimin e Viti të Ri, shumë njerëz i vënë qëllime të ndryshme vetes për të arritur atë që synojnë. Por ndonëse të gjithë kanë qëllime të ndryshme, shumica e njerëzve nuk do t'i arrijnë ato. Hulumtimet nga Universiteti i Skrantonit zbuluan se vetëm 8% e njerëzve do të arrijnë qëllimet e Vitit të Ri. Po ju, a jeni në këtë 8 për qind?

Këtu janë këshilla të dobishme për t’iu përmbajtur këtyre qëllimeve gjatë gjithë vitit.

Ji i shëndetshëm. Të bëhesh më i shëndetshëm nuk ndodh brenda natës. Dr. Lindsay Cain, trajneri kryesor i ushqimit në Hudson River Fitness dhe Dr. Ashley Mak, terapist fizik dhe pronar i Hudson River Fitness, tregojnë se përgjegjësia është kyç në arritjen e këtij qëllimi. Ju mund të regjistroheni për një program diete të zbukuruar ose të punoni jashtë regjimit, por nëse nuk jeni përgjegjës për t’iu përmbajtur piketave, ju do të dilni jashtë binarëve të parashikuara. “Shpesh herë njerëzit thonë se duan të humbasin 10 kilogram para një ngjarjeje të madhe, por ju mund ta thyeni këtë qëllim me qëllime të vogla, duke synuar që çdo muaj të bini 1-2 kilogram”, thotë Cian. Një mënyrë për të ndryshuar zakonet tuaja është të gjeni një mik me synime të përbashkëta, ose të vazhdoni të ndryshoni hap pas hapi.

Jini të organizuar - Duhet të jeni të organizuar. Hidhni dritë mbi gjërat tuaja personale dhe filloni të kujdeseni për gjendjen tuaj emocionale. Edhe kjo nuk është diçka që ndodh menjëherë, por duhet të ndodhë hap pas hapi. Fillimisht niseni nga familja, mendoni çfarë duhet të bëni apo nuk bëni për ta. Më pas për shoqërinë, duke arritur deri tek organizimi i gjërave tuaja personale në shtëpi. Gjithçka duhet të jetë e organizuar në jetën tuaj. Mos neglizhoni qoftë edhe palosjen e rrobave në dhomën tuaj. Ti ndani gjërat që përdorni dhe nuk përdorni, kjo do t’ju kursejë kohë, dhe do t’ju bëjë është ndiheni më mirë. Niseni me ndryshime të vogla për të bërë një ndryshim më të madh, thonë ekspertët.

Jeto jetën në maksimum. Heidi Stevens, një trajner biznesi për sipërmarrëset kreative, thotë se për të bërë qëllimet realitet, gjithsecili duhet të jetë i qartë me veten se çfarë do dhe ku do të shkojë me këto qëllime. “Bëni të qarta për atë që dëshironi dhe doni nga ky vit. Është jetësore që kjo të vijë nga ju, jo nga ajo që duhet të bëni ose nga ajo që dikush tjetër kërkon nga ju”, thotë Stevens. Së dyti, duhet të dish “pse”. “Nëse doni të bëni $ 250,000 këtë vit, pse? Nuk ka të bëjë kurrë me paratë, por se çfarë do të bësh më ato. Tjetra, shënoni synimet tuaja. “Unë ju sugjeroj t’i shkruani ato sikur të kenë ndodhur, në kohën e tashme. Pastaj krijoni një praktikë apo ritual ku ju imagjinoni fjalë për fjalë tashmë, duke bërë, duke përjetuar atë që dëshironi “, thotë Stevens.

Hobi të reja. -Nëse deri më tani nuk i keni kushtuar kohë aktiviteteve e të tjera përveç atyre që ju bëni zakonisht , është koha të mendoni për hobe të ndryshme.
Artizanat, gatimi, mbledhja e gjërave dhe aktiviteteve fizike janë vetëm disa nga hobet që njerëzit ndjekin çdo vit. Por si e zgjedh një hobi dhe të qëndrosh në të? Ka shumë gjëra që duhen marrë në konsideratë për t’ju ndihmuar që të zgjidhni aktivitetin që ju pëlqen. Disa nga to janë: çfarë ju ka dhuruar lumturi kur ishit fëmijë. -Kërkoni diçka që ju bën të harroni përditshmërinë tuaj. – Mendoni se çfarë duhet të ndryshoni diçka në jetën tuaj, duke menduar se cila është gjëja që ju dhuron më shumë lumturi.

Shpenzoni më pak, kurseni më shumë.- “Viti i Ri është një kohë e mrekullueshme për të rivlerësuar financat tuaja” Për të rritur shanset për sukses, thyeni qëllimet më të mëdha në hapa më të vegjël. thotë Kimberly Palmer, eksperti i financave personale në NerdWallet . “Nëse dëshironi të kurseni për pension, mund të filloni duke tërhequr mënjanë një përqindje relativisht modeste të të ardhurave tuaja dhe ngadalë rriteni me kalimin e kohës. Nëse dëshironi të paguani borxhin, mund të filloni duke bërë më shumë se pagesa minimale çdo muaj dhe gradualisht rritni ato pagesa me kalimin e kohës “, thotë Palmer. Për të rritur shanset për sukses, thyeni qëllimet më të mëdha duke e nisur me hapa të vegjël./Market watch

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.