Ka nisur me një orë vonesë Kuvendi Kombëtar i Partisë Demokratike. Lulzim Basha është pritur me një entuziazëm nga të pranishmit ndërsa si kolonë zanore kishte këngën e Pit Bull me Kristina Aguileran “Feel the moment”.
Ndërsa Kuvendi ka nisur me disa me mesazhet nga dhjetëra të rinj, kanë dalë edhe ndryshimet e statutit të PD-së. Hapi i parë është largimi i Gazment Bardhit si kryetar i grupit parlamentar të PD-së. Për këtë propozohet që kur partia të jetë në opozitë kryetar i grupit parlamentar të PD-së të jetë kryetari i partisë, pra direkt Basha.
“Kur PDSH është shumicë qeverisëse, Kryetari i Grupit Parlamentar zgjidhet me propozim të Kryetarit të Partisë nga Këshilli Kombëtar, me votim të fshehtë, ndërmjet jo më pak se dy kandidaturave. Kur PDSH nuk është shumicë qeverisëse, Kryetari i Partisë është edhe Kryetar i Grupit Parlamentar. Kryetari i Partisë, me autorizim të tij, mund të caktojë një prej Nënkryetarëve të Partisë për të drejtuar Grupin Parlamentar”, thuhet në ndryshimet e statutit të PD-së.
Një tjetër ndryshim statutor që pritet të miratohet është e përjashtimi nga anëtarësia e atyre që kanë kandiduar për subjekte të tjera. Po ashtu kryesia cakton edhe datën e zgjedhjeve jo më vonë se 6 muaj nga vakanca. Ndërsa në këtë Kuvend marrin pjesë vetëm 10 deputetë.
10 deputetët që morën pjesë:
- Lulzim Basha
- Oriola Pampuri
- Andia Ulliri
- Merita Bakiu
- Kreshnik Çollaku
- Flutura Açka
- Oriela Nebijaj
- Eralda Bano
- Arbi Agalliu
- Selaudin Jakupllari
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.