.png)
Gazeta Si – Babai i lojtarit shqiptar të Çezenës hyri nga tribuna në fushë sapo mbaroi ndeshja ndaj Olbias. Ai goditi me grusht portierin kundërshtar për shkak të një faulli të rëndë ndaj të birit. Agresori u ndalua nga lojtarët dhe drejtuesit e Çezenës.
Skena absurde pas ndeshjes Çezena-Olbia 1-0, me protagonist negativ babain e Kristian Spendit, sulmuesit shqiptar të ekipit vendës. Ai u fut në fushë dhe sulmoi fizikisht portierin e ekipit mik, Filipo Rinaldi. Shpendi vrapoi drejt qendrës së fushës, ku disa lojtarë e drejtues po flisnin mes tyre.
Ai e goditi portierin Rinaldi në fytyrë, por grushti nuk e zuri plotësisht me gjithë forcën e tij. Babai i futbollistit shqiptar u ndalua nga mesfushori i Çezenës, Rikardo Kiarelo dhe disa të tjerë.
Tërbimi i babait të Shpendit vinte nga një faull i portierit Rinaldi, i cili i dha një goditje të birit gjatë lojës, duke e detyruar të linte fushën pas një plage që mori. Një vetëgjyqësi alla shqiptarçe, që në Itali ka marrë vëmendje të madhe.
Tani pritet raporti i arbitrit për këtë ngjarje, më pas verdikti i komisioneve disiplinore, por me siguri Çezena rrezikon gjobë, ose ndeshje pa tifozë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
