Nuk ka mënyrë më të mirë për të dalë nga stina e verës se vetëbesimi i Irina Shayk. Supermodelja e cila ka pak kohë tashmë që është single postoi një video në llogarinë e saj në instagram në të cilën ecte sikur të ishte në pasarelën e saj personale. Me gjithë qëndrimin e botës, ajo ecte drejt kamerës me një xhaketë të zezë e të gjerë, geta me pika me bel të lartë dhe taka të larta. Ritmi i saj ishte aq energjik sa u habitëm që nuk doli nga kamerat tona.
Dikush tjetër që po shijon ndryshimin e shpejtë të sezonit është Cardi B. Ndërkohë që reperja zgjedh gjithmonë veshjet më provokuese, si truporja me ngjyra që veshi më herët gjatë kësaj jave në festivalin “Made in America” i cili u mbajt në Philadelphia, kësaj radhe ajo na surprizoi kur postoi një boomerang të vetes dhe kishte veshur një kostum gri me kuadrata të vegjël dhe e kishte kombinuar me taka të bardha.
Dhe sigurisht, ne nuk mund të harrojmë që Java e Modës në New York sapo ka filluar. Modelja Halima Aden shënoi fillimin e kësaj jave duke dalë nga një makinë me një kostum ngjyrë qielli verbues, duke e kompletuar me një golf të bardhë, sandale të hapura dhe një shall ngjyrë ari të lidhur mbas kokës.
Më poshtë, shihni veshjet më të bukura në instagram gjatë javës :
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.