.png)
Përplasja e re mes Presidencës dhe Kuvendit për emërimet në Gjykatën Kushtetuese mund të çojë një tjetër dosje për opinion nga Komisioni i Venecias.
Ideja është hedhur nga Ambasadori italian në Tiranë, Alberto Cutillo gjatë një komenti të shkurtër për gazetarët në përfundim të konferencës mbi administrimin dhe menaxhimin e pasurive të sekuestruara të krimit të organizuar.
“T'i kërkohet një mendim Komisionit të Venecias. Besoj është e rëndësishme të kemi një rrugë të qartë që heq çdo dyshim për këtë gjykatë", deklaroi ai.
Ambasadori italian theksoi se ky ishte propozimi i tij personal, ndërsa sugjeroi se përgjigja e Venecias mund të mbërrijë shumë shpejt.
Në mungesë të Gjykatës Kushtetuese, ideja e hedhur nga Ambasadori italian në Tiranë mund të konsiderohet, si nga Presidenca, ashtu edhe nga Kuvendi si rrugëzgjidhja më e mirë, nisur nga fakti që në fillim të dhjetorit, Komisioni i Venecias mblidhet në seancë plenare të radhës, ku mund të futet në rend dite edhe përplasja e re në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
