.png)
Gazeta Si – Në Leverkusen, ku luhet ndeshja e sotme, ‘axurrët’ kanë dy rezultate në dispozicion për t’u kualifikuar dhe për të mbrojtur trofeun e fituar në vitin 2021.
Pasi kaloi tabunë e Maqedonisë së Veriut, Italia e Spaletit është vetëm një hap larg Euro 2024, ku ka mundësinë të mbrojë trofeun e fituar në 2021-shin me Mançinin në stol. Në Leverkusen ndaj Ukrainës bën punë edhe një pikë. Pra, Italia nuk duhet të humbasë për të lënë përfundimisht pas krahëve pjesëmarrjen e munguar në Botërorin 2022 të Katarit, që ende djeg.
Italia ka edhe numrat në krahun e saj: 7 fitore dhe 2 barazime në 9 ndeshje, e fundit 2-1 në ‘San Siro’ më 12 shtator, pak më shumë se 2 muaj më parë.
Barazimi do ta çonte skuadrën e Spaletit në Gjermani, ndërsa fitorja ndaj Ukrainës do t’i dhuronte Italisë fashën e tretë në shortin e Hamburgut më 2 dhjetor, pra një grup pak më të lehtë. Me barazimin me siguri ‘axurrët’ do të jenë në fashën e 4-t, me kundërshtarë më të fortë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
