Gazeta Si – Sportistët rusë dhe bjellorusë do të marrin pjesë në Lojërat Olimpike të Parisit 2024, nën flamurin neutral. Ky është vendimi i Komitetit Olimpik Ndërkombëtar (CIO), që ka autorizuar pjesëmarrjen në Olimpiadë të rusëve dhe bjellorusëve.
![](https://gazetasi.al/wp-content/uploads/2023/12/olimpiada.jpg)
Janë përjashtuar në këtë rast nga eventi skuadrat dhe ata që kanë mbështetur në mënyrë aktive pushtimin rus të Ukrainës. Deri tani, - bë të ditur CIO me një njoftim, - janë kualifikuar për Olimpiadën e Parisit vetëm 11 ‘sportistë individualë neutralë’, 8 rusë dhe 3 bjellorusë, kundrejt rreth 60 sportistëve ukrainas.
Vendimi i CIO-s konfirmon iniciativat e një viti më parë për riintegrimin e Moskës dhe Minskut në sportin global. Nëntë muaj më pas organet e qeverisë së sportit kanë gjetur mënyra për të lejuar sportistë të veçantë që të kenë mundësinë e garimit.
Tani u takon organeve të qeverive të çdo sporti olimpik që të vlerësojnë dhe respektojnë statusin e sportistëve neutralë, të cilët nuk e kanë mbështetur në mënyrë aktive luftën dhe nuk kanë kontratë me agjencitë e sigurisë ushtarake apo pengesa të tjera.
Ata që do të kenë statusin e sportistit neutral duhet të garojnë pa identitet kombëtar, si flamuri, himni dhe ngjyrat. Rusia mbetet e përjashtuar nga sportet e skuadrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.