.png)
Pas vendimit të parlamentit holandez për rikthimin e regjimit të vizave me Shqipërisë, ambasadori i Bashkimit Europian në Shqipëri, Luigi Soreca, është shprehur se Shqipëria i ka plotësuar të gjitha kërkesat e KE në lidhje me vizat, dhe se asgjë nuk ka ndryshuar.
“Kjo do të thotë që është shumë e qartë për qeverinë shqiptare për integrimin e Shqipërisë në BE dhe çeljen e negociatave. Pra, kemi rregullore dhe në bazë të kësaj rregulloreje, raporti do të kryhet në dhjetor të 2019. Që do të thotë në atë moment do të bëhet vlerësimi nëse Shqipëria ka marrë ato masa që i janë caktuar një vit më parë. Tani për tani KE do të bëjë vlerësimin kur qeveria të sjellë raportin e saj”, u shpreh Soreca.
Ai shprehet se deri tani nuk ka ndryshuar asgjë dhe se vijon udhëtimi pa viza.
“Është shumë rëndësishme për të përmendur diçka tjetër, qeveria nuk është shprehur se ka një lidhje të gjatë mes emigrimit të paligjshëm dhe krimit. Prandaj do të nevojiten të dhëna për të vërtetuar këtë lidhje. Asgjë nuk ka ndryshuar deri në këtë moment, vijon udhëtimi pa viza në zonën Shengen”, tha më tej ambasadori Soreca.
Sipas tij, udhëtimi pa viza është një arritje fantastike dhe do të merren masa të ruhet kjo arritje.
“Më lejoni që të them që kemi ftuar qeverinë shqiptare që të rrisë bashkëpunimin me Holandën për emigracionin e paligjshëm dhe lufta kundër krimit. Udhëtimi pa viza është një arritje fantastike për Shqipërinë, që do të thotë ka pasur një progres që prej vitit 2010. Ju e dini që kam qenë në krye të këtij procesi dhe jam i sigurt që Shqipëria do të marrin masat e duhura që të ruhet kjo arritje fantastike”, tha Soreca.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
