.png)
Gazeta Si – Kryebashkiaku i Tiranës, Erion Veliaj as në këtë seancë nuk ishte i pranishëm në gjyq, pasi refuzon të qëndrojë në kafazin e qelqtë, duke e cilëuar një vendim diskriminues.
Ai kishte dërguar një deklaratë, ku informonte trupin gjykues se në proces do të mbrohej nga avokati i tij, Plarent Ndreca.
Por as ky i fundit nuk ishte paraqitur në seancë pasi kishte dorëzuar një raport mjekësor për 2 ditë dhe i kërkonte GJKKO-së që të shtynte seancën.
Në këto kushte, gjykata vendosi të shtyjë seancën më 7 korrik. Ndërsa, me kërkesë të prokurorit të SPAK Ols Dado, trupi gjykues vendosi të pezullojë afatet e paraburgimit për Veliajn.
“Ka pengesë për zhvillimin e procesit pasi mungon avokati i të pandehurit Veliaj. Gjykata duhet të shtyjë procesin dhe të pezullojë afatet e paraburgimit”, tha Dado.
Seancën e kaluar, Veliajt iu rrëzua kërkesa për transmetim live të seancës dhe daljen nga kafazi. Ndërsa seanca u shty pas kërkesës së avokatit të ri të Ajola Xoxës që të njihet me aktet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje