Rithemelimi, Partia e Lirisë dhe Aleanca për Mbrojtjen e Teatrit u mblodhën 15 minuta më vonë nga orari i paralajmëruar për protestë para Bashkisë së Tiranës (16.30).
Pas fjalës së mbajtur nga disa aktorë e qytetarë të thjeshtë, sapo në anën tjetër, Erion Veliaj, mbylli fjalën për gazetarët sapo doli nga SPAK, para bashkisë së Tiranës u tensionua situata pasi protestuesit hodhën molotov (dhe veze) para godinës.
Me ndërhyrja e forcave të policisë që ishin rreshtuar në dy kordonë situata filloi të qetësohej.
Në fjalën e tij, Belind Këllici akuzoi kryetarin e bashkisë si personin më të korruptuar.
“Sot nuk vidhen vetëm taksat e demokratëve, por të të gjithë shqiptarëve. Kjo vjedhje po na bëhet të gjithëve”, tha Këllici ndër të tjera në fjalën e tij, i cili i bëri thirrje policisë që të arrestojnë Veliajn.
“Keni parë sot një lepurush të vogël që për 7 orë e gjysmë ka shkuar sic i ka hije, pa ngjyrë në fytyrë duke mashtruar, duke pritur t’i vinte orari për tu paraqitur në SPAK ku e kishin thërritur, jo se kërkoi ai, siç tha. Veliaj është pronar faktik i inveneratorëve…”, vijoi ai.
Në protestë u pa sërish e bija e ish-kryeministrit, Argita Malltezi.
Pas daljes së kryebashkiakut Erion Veliaj nga SPAK dhe fjalës së tij të fundit më pas në mbledhjen online të Këshillit Bashkiak, situata para bashkisë së Tiranës u tensionua pasi protestuesit hoqen gardhin metalik, duke u përplasur fizikisht edhe me policinë.
Me thirrjet “poshtë diktatura”, protestuesit janë përleshur me forcat e rendit
Më herët ishin këshilltarët e opozitës në bashkinë e Tiranës tentuan të çajnë kordonin e policisë me qëllim për të hyrë brenda ambienteve të bashkisë, por nuk u lejuan. Nuk u lejuan gjithashtu as anetaret e keshillit bashkiak te opozites
Protestuesit hodhën gjithashtu sende të forta ndaj Policisë ndërsa brenda godinës, aty rreth orës 19.00 Erion Veliaj njoftoi mbylljen e mbledhjes online të Këshillit Bashkiak.
Policia hodhi gaz lotsjellës në drejtim të protestuesve të opozitës, ndërsa përplasjet përpara Bashkisë së Tiranës vijuan prej më shumë se tre orësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.