Valë ndryshimesh dhe zëvendësimesh mes drejtuesve të Policisë së Shtetit. Paraditen e sotme u njoftua zëvendësimi i drejtorit të Policisë në Vlorë, Gentjan Shehaj me Artion Dukën, i cili më herët ka qenë shefi i Uniformave Blu në Berat.
Shehaj është larguar nga detyra dhe është transferuar në Tiranë, ku është ngarkuar me një detyrë të re në Akademinë e Policisë. Shehaj drejtonte policinë e qytetit bregdetar nga viti 2017.
Por gjatë pasdites, ndryshimet në radhët e Policisë së Shtetit kanë vijuar. Mësohet se është firmosur nga kryepolici Ardi Veliu edhe largimi i drejtorit të Fierit, Albert Nushi.
Nushi është emëruar zv.drejtor për rendin dhe sigurinë publike në Elbasan, ndërsa drejtori i ri i Policisë së Fierit është komanduar zv.drejtori aktual Andon Marko.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.