Ushqimet e përpunuara po ndikojnë edhe në aftësitë për të marrë vendime

Ngrënia e ushqimeve të përpunuara e bëjnë jetën tonë më të lehtë, të tilla si supa të paketuara, salca, pica të ngrira dhe vakte të gatshme për t'u ngrënë por nuk janë të mira për shëndetin tonë.

Studimet kanë zbuluar se ato mund të rrisin rrezikun e obezitetit, problemeve të zemrës dhe qarkullimit të gjakut, diabetit dhe kancerit. Ata madje mund të na shkurtojnë jetën.

Tani, një studim i ri ka zbuluar se ngrënia e më shumë ushqimeve ultra të përpunuara mund të kontribuojë në rënien e përgjithshme njohëse, duke përfshirë zonat e trurit të përfshira në funksionimin ekzekutiv, aftësinë për të përpunuar informacionin dhe për të marrë vendime.

Në studim u zbulua se burrat dhe gratë që hanin ushqimet më të përpunuara kishin 28% rënie më të shpejtë të aftësisë krahasuar me njerëzit që hanin shëndetshëm.

“Këto rezultate janë mjaft bindëse dhe theksojnë rolin kritik që ka konsumimi i ushqimit të duhur në shëndetin mendor”, tha Rudy Tanzi, profesor i neurologjisë në Harvard.

Tanzi, i cili ka kryer mjaft studime për ushqimet ultra të përpunuara tha se problemi kryesor me ushqimet ultra të përpunuara është se "ato zakonisht kanë shumë sheqer, kripë dhe yndyra, të cilat të gjitha nxisin inflamacionin sistemik, ndoshta kërcënimi më i madh për plakjen e trupit dhe trurit.

“Ndërkohë, duke qenë se janë të përshtatshme si një vakt i shpejtë, ato zëvendësojnë gjithashtu ushqimet me përmbajtje të lartë fibrash bimore që janë të rëndësishme për ruajtjen e shëndetit dhe ekuilibrit të triliona baktereve në mikrobiomën e zorrëve që është veçanërisht e rëndësishme për shëndetin e trurit dhe reduktimin e rrezikut të sëmundjeve të trurit të lidhura me moshën si sëmundja e Alzheimerit”, shtoi ai.

Studimi, i prezantuar të hënën në Konferencën Ndërkombëtare të Shoqatës së Alzheimerit 2022 në San Diego, ndoqi mbi 10,000 brazilianë deri në 10 vjet. Pak më shumë se gjysma e pjesëmarrësve në studim ishin gra, mosha mesatare ishte 51 vjeç.

Testimi njohës, i cili përfshinte kujtimin e menjëhershëm dhe të vonuar të fjalëve, njohjen e fjalëve dhe rrjedhshmërinë verbale u krye në fillim dhe në fund të studimit dhe pjesëmarrësit u pyetën për dietën e tyre.

Ushqimet ultra të përpunuara përkufizohen si formulime industriale të substancave ushqimore (vajra, yndyrna, sheqerna, niseshte dhe proteina të izoluara) që përmbajnë pak ose aspak ushqime të plota dhe zakonisht përfshijnë aromatizues, ngjyrues dhe aditivë të tjerë.

Në studim u zbulua se personat që konsumonin më shumë ushqime ultra të përpunuara ishin femra të reja, të arsimuara, me të ardhura të larta, nuk kishin pirë kurrë duhan dhe nuk ishin konsumatorë aktualë të alkoolit.

"Njerëzit duhet të dinë se duhet të gatuajnë më shumë dhe të përgatisin ushqimin e tyre. Ne themi se nuk kemi kohë, por në të vërtetë nuk merr aq shumë kohë", tha Suemoto.

"Dhe ia vlen sepse do të mbroni zemrën tuaj dhe do të ruani trurin tuaj nga demenca ose sëmundja e Alzheimerit. Ndaloni së bleri gjëra që janë të ultra të përpunuara".

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.