.png)
Kemi dëgjuar për unazat e fejesës, por a keni dëgjuar ndonjëherë për unazat e divorcit? Ato janë trendi më i fundit që e ka sjellë Emily Ratajkowski, duke i prezantuar në rrjetet sociale.
Pas divorcit në vitin 2022 nga Sebastian Bear-McClard, me të cilin ajo ka një djalë, Sylvester, ajo vendosi të ripërdorë unazat e saj të mëparshme të fejesës, duke ndryshuar qëllimin dhe ndjenjën origjinale rreth tyre. Ajo prezantoi të ashtuquajturat unaza divorci në Instagram, duke shkruar “Unazat përfaqësojnë evolucionin tim personal”, tha Ratajkowski për Vogue në një intervistë ekskluzive.
"Unë nuk mendoj se një gruaje duhet t'i hiqen diamantet e saj vetëm sepse ajo po humbet një burrë."
Ideja për të ripërdorur unazat i ra Ratajkowski-t teksa lexonte një libër.
“Aty përfshihet historia e unazës së gjarprit të gjyshes së personazhit, një unazë që përbëhet nga gurë të ndryshëm nga martesat e saj të ndryshme”, thotë Ratajkowski, duke shtuar se i pëlqeu ideja e një unaze që përfaqësonte pa turp shumë jetë që një grua ka jetuar.
Ratajkowski më pas iu afrua shoqes së saj Alison Chemla, drejtoresha krijuese e markës së bizhuterive Alison Lou për të bashkëpunuar në konceptin e saj të ri. Chemla ishte personi i përsosur për projektin, duke pasur parasysh se ajo projektoi unazën origjinale të fejesës së Ratajkowski.
"Emily dhe unë kaluam shumë kohë duke folur për atë që ajo donte dhe si donte të ndihej kur mbante unazat," thotë Chemla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
