Gazeta Si - UEFA ka vendosur të organizojë në Tiranë një mbledhje me pjesëmarrjen e drejtuesve të 11 federatave të futbollit të Europës juglindore. Mbledhja do të mbahet më 16 prill në selinë e FSHF-së, në ambientet e “Shtëpisë së Futbollit”.
Temat që do të diskutohen në këtë mbledhje, sipas një njoftimi të FSHF-së, kanë të bëjnë me strategjinë e UEFA-s për zhvillimin e futbollit europian.
Në Tiranë pritet të vijnë drejtuesit më të lartë të 10 federatave, si Bosnjë-Hercegovina, Kroacia, Serbia, Sllovenia, Qipro, Greqia, Kosova, Mali i Zi, Maqedoni e Veriut dhe Turqia.
Nuk është hera e parë që një mbledhje e UEFA-s hvillohet në vendin tonë. Më parë FSHF ka organizuar në “Shtëpinë e Futbollit” edhe mbledhjen e një prej organeve më të rëndësishme të UEFA-s, Komitetin “HatTrick”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.