.png)
Gazeta Si – Ndeshja e pezulluar në pushimin e saj me kërkesën e lojtarëve, pas lajmit për vrasjen e dy tifozëve suedezë më Bruksel, nuk do të rikuperohet. Ky është vendimi që ka marrë UEFA sot.
Belgjikë-Suedi 1-1. Është rezultati përfundimtar i njohur nga UEFA për ‘ndeshjen e atentatit’. Kjo ndeshje u ndërpre në pushim, sapo u morr vesh lajmi për vrasjen e dy tifozëve suedezë nga një terrorist pak para se të niste loja.
Sipas një komunikate të UEFA-s, ndeshja e vlefshme për Grupin F të kualifikueseve të Euro 2024, nuk do ta luajë pjesën e dytë. Belgjikës dhe Suedisë do t’u shtohet nga një pikë secilës, ndërsa kartonët e verdhë të dhënë gjatë pjesës së parë janë të konfirmuar.
Latest updates from #UEFAExCo on competitions:
— UEFA (@UEFA) October 19, 2023
Belgium-Sweden #EURO2024 qualifier abandoned with 1-1 score confirmed as final.
No UEFA competition match to be played in Israel until further notice.
Maccabi Haifa withdraw from #UYL.
Full details: ⬇️
UEFA saktëson në komunikatën e saj se vendimi për të quajtur të vlefshëm rezultatin është marrë, sepse nuk ishte e mundur të vazhdohej ndeshja ditën pasardhëse, duke parë dëshirën e Belgjikës dhe Suedisë për të mos zbritur në fushë pas sulmit terrorist. Barazimi veç të tjerash nuk ka asnjë ndikim në klasifikimin e grupit. Belgjika është kualifikuar për në Euro 2024, kurse Suedia është jashtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
