.png)
Arben Isaku, nëndrejtori i Kadastrës së Durrësit është vetëdorëzuar sot në policinë Durrësit vetëm tre ditë pasi u shpall në kërkim. Ai u procedua penalisht të hënën pasi akuzohet për veprat penale ”Korrupsioni pasiv nga persona që ushtrojnë funksione publike” , ”Shpërdorimi të detyrës ” dhe “Falsifikimi i dokumenteve”.
Isaku është një figurë e rëndësishme e Partisë Socialiste në Durrës. Ai më herët ka qenë drejtor i Aluizini-t në këtë qytete. Gjithashtu përveç pozicionit të nëndrejtorit të Kadastrës së Durrësit, ai është edhe kryetar i Këshillit Bashkiak dhe numri dy i PS-së së qytetit bregdetar.
Bashkë me Isakun në polici është dorëzuar edhe shtetasi me inicialet R.K., 27 vjeç me detyrë në ekonomisë në Kadastrën e Durrësit, ndërsa është shpallur në kërkim shtetasi me inicialet F.R., 28 vjeç, me detyrë Specialist pranë Agjencisë Shtetërore të Kadastrës-Durrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
