Gjykata e Kukësit ka dhënë sot masat e sigurisë për personat që janë konfliktuar me policinë, për shkak se nuk pranonin që efektivët të arrestonin ish-prefektin e qarkut Kukës, Abedin Oruçi.
Gjykata e Kukësit ka dhënë masën e sigurisë “arrest me burg” për Besmir Muçmatën.
Ndërsa, për Behar Durakun u dha masa e sigurisë “arrest shtëpie”. Po në “arrest shtëpia” u vendos edhe Gazmend Oruçi.
Ndërsa, shtetasi Ermir Marku është lënë në burg nga ana e Gjykatës së Kukësit.
Ish-kryetari i Qarkut të Kukësit, Abedin Oruçi, u përplas me policinë më 12 janar, ku nxori armën dhe dëmtoi të paktën 5 policë.
Oruçi ishte në kërkim nga policia për veprat penale “Kundërshtimi i punonjësit që kryen një detyrë shtetërore ose një shërbim publik”, ”Kanosja për shkak të detyrës” si dhe “ndërtim pa leje”.
54-vjeçari Abedin Oruçi ka garuar në zgjedhjet vendore si kandidaturë e Bindjes Demokratike dhe ka qenë kreu i këshillit bashkiak në Kukës nën siglën e aleatëve të Partisë Demokratike, PDIU-së Shpëtim Idrizit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
