.png)
Gazeta Si - Gjykata e Vlorës ka ka lënë në "arrest me burg" për Petrit Ndojin, i cili u arrestua pasi u kap me 4 mina me detonatorë pak ditë më parë.
Gjyqi është zhvilluar me dyer të mbyllura, ndërsa hetimet vijojnë rreth çështjes se cili është destinacioni i minave, si dhe nëse ka bashkëpunëtorë ose jo.
Para togave të zeza, Ndoj ka pretenduar se iu ngrit kurth nga të njohur ose bashkëpunëtorë të policisë.
Ai mësohet se ka deklaruar se në Vorë ka marrë një qese që nuk e dinte çfarë kishte, ndërsa itenerari ka qenë në Ksamil për të shitur prona.
Sipas dëshmive në polici, avokati shprehet se 51-vjeçari ka deklaruar se i kanë ngritur kurth.
“Në seancën e vlerësimit të masës së sigurisë nuk ka pranuar të bëjë deklarime, por në dëshminë e dhënë për policinë është shprehur se nuk ka lidhje me veprat që i atribuohen, pretendon se iu është ngritur një kurth, është agjent imobilar dhe nuk ka lidhje me këto vepra. Ai është shprehur dhe ka dyshime se kurthi është ngritur nga bashkëpunëtorë të policisë apo të njohur të tij, Do të vërtetohet gjatë hetimeve. Ka deklaruar se diku në Vorë nëpërmjet një bashkëpunëtori ka marrë qesen por nuk e dinte përmbajtjen e saj brenda. Do dalim fakte që do të vërtetojnë pafajësinë e tij.
Qesen e ka marrë në Vorë dhe do të shkonte në Ksamil është agjent imobilar, ka pasur dosjen për shitjen e disa pronave sipas deklarimeve të dhëna”, tha avokati i tij.
Ndaj Ndojit rëndon akuza “mbajtja pa leje dhe për prodhim i armëve shpërthyese dhe municioneve”. Mësohet se 51-vjeçari nga Lezha, i kishte fshehur minat në kroskotin e makinës.
Arrestimi i tij ndodhi 3 ditë më parë, kur policia raportoi se 4 mina me telekomandë, me lëndë eksplozive C4, të programuara për shpërthim në distancë (të pajisura me aparat celular dhe me kapsolla detonatore), dyshohet se do të përdoreshin për kryerjen e ngjarjeve të rënda kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
