Lajme

U kap me 19 pistoleta, arrest me burg për suedezin

Prokuroria ka kërkuar arrest me burg për suedezin Sebastian Vall, i cili u arrestua tri ditë më parë në doganën e Muriqanit në Shkodër, pasi gjatë kontrollit i janë gjetur 19 pistoleta, teksa po tentonte të kalonte drejt Malit të Zi.

Nga salla e gjyqit, ai deklaron se “do të bënte vetëm transportin e pistoletave nga Shqipëria për në Suedi.

Ai gjithashtu thotë se kishte udhëtuar tranzit nga Suedi – Turqi – Prishtinë.

“Kam qëndruar 4 ditë në Prishtinë. Armët i kam marrë nga një person që nuk e njoh dhe do t’i çoja në Suedi. E bëra këtë sepse isha i papunë, s’kisha para për studime”, deklaron më tej ai.

Kujtojmë që 21-vjeçari armët tip pistoletë i kishte fshehur në një çantë, ndërkohë që ishte si pasagjer në linjën e autobusit Kosovë –Gjermani.

 

Më Shumë