.png)
Janë orë pritje dhe nervozizmi te Borussia Dortmund. Verdhezinjtë kanë dalë nga derbi me Bayern Mynih me kocka të thyera, jo vetëm për 0-1 që i zbriti në -7 nga bavarezët kryesues, por edhe për dëmtimin e Erling Braut Haaland, i cili la fushën në minutën e 27′ të pjesës së dytë i dëmtuar nga një përplasje e pazakontë me arbitrin Tobias Stieler. Për sulmuesin norvegjez është folur menjëherë për një dëmtim të ligamenteve të gjurit, por ekzaminimet e detajuara do të vlerësojnë shkallën e dëmtimit dhe të përcaktojnë kohët e rikuperimit.
Tekniku Lucien Favre menjëherë bëri të ditur se “nuk duhet të jetë asgjë e rëndë”, duke nënvizuar në të njëjtën kohë se problemi fizik është ekskluzivisht i tipit “traumatik” dhe se nuk ka të bëjë fare me rifillimin e aktivitetit pas një ndalese të gjatë. Në kampin e Dortmund mbeten gjithsesi në ankth, duke menduar për një kampionat që, pavarësisht shuplakës së marrë nga rivalët, është akoma i gjithi për tu luajtur. E njëjta situatë është edhe për vetë Haaland, që në moshën 19 vjeçare dhe me vetëm 11 ndeshje të luajtura në Bundesliga është në garë për Këpucën e Artë: për momentin ndodhet në vendin e katërt me 44 pikë, 10 gola më pak se dyshja Immobile-Lewandowski.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
