Gjykata e Elbasanit ka vendosur masën “detyrim paraqitjeje” për kandidatin e LSI-së, Sokol Skura, i cili u kap duke drejtuar mjetin në gjendje të dehur.
Policia në njoftimin për mediat tha se Skura po udhëtonte në aksin Librazhd-Elbasan dhe gjatë kontrollit ka rezultuar se kishte konsumuar alkool.
Sokol Skura renditet i pesti në listën e LSI për qarkun e Elbasanit.
Kjo nuk është hera e parë që 42-vjeçari i jep mjetit në gjendje të dehur.
Edhe më herët në vitin 2015 po në gjendje të dehur ka shtypur për vdekje me makinë një djalë të ri 17-vjeçar në Mengël të Elbasanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.