Gjykata e Shkallës së Parë në Shkodër ka caktuar ndryshimin e masës së sigurisë për Marash Arrajn duke e lënë në “arrest shtëpie”.
Ai akuzohet si autori i vrasjes së kushëririt të tij Lazer Arraj, ndërsa ishte më parë nën masën e sigurisë “arrest me burg” me afat 40 ditë të caktuar nga Gjykata.
I dyshuari Marash Arra ka mohuar që në fillim akuzat ndaj tij, duke thënë se nuk ka asnjë lidhje me vrasjen e kushëririt të tij.
Ngjarja ka ndodhur më 21 tetor në fshatin Shosh të Dukagjinit. 55-vjeçari Lazër Arra kishte shkuar në fshat për të mbledhur ushqimet e dimrit, por është ekzekutuar me armë zjarri. Ai është qëlluar për vdekje, teksa ka qenë duke transportuar me kuaj disa produkte ushqimore nga arat e fshatit drejt rrugës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.