Gjatë pjesës së parë të 2020-ës, industria e turizmit vuajti shumë si pasojë e shtrëngimeve që u vendosën në lëvizjen e qytetarëve në përgjigje të pandemisë globale COVID-19.
Sipas Eurostat, shifrat e turistëve ranë ndjeshëm gjatë marsit dhe prillit 2020, krahasuar me të njëjtën periudhë të vitit të kaluar.
Që prej qershorit 2020, shumë prej vendeve të BE-së nisën të lehtësonin shtrëngimet në udhëtim. Megjithatë, masa të tjera shtrënguese lidhur me Covid-19 mbetën në fuqi, si ajo që turistët kur do të mbërrinin në vendin e tyre duhej të karantinoheshin. Këto kanë nxitur një preferencë për turizmin e brendshëm, i cili është rikuperuar më shpejt sesa turizmi në hyrje.
Pas një rënieje prej 93% në Prill 2020 krahasuar me të njëjtin muaj të vitit të kaluar, deri në Korrik 2020, turizmi i brendshëm në BE pothuajse u kthye në nivelin e vitit të kaluar. Në korrik 2020, netët e kaluara nga banorët e BE-së në strukturat akomodduese turistike brenda vendit të tyre ishin vetëm 22% më të ulëta se në korrik 2019, ndërsa netët e kaluara nga jo-rezidentët ishin 64% më pak se vitin e kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.