.png)
Nga Gazeta 'Si'-Në Milano mbahet sot takimi i radhës i socialistëve në kuadër të turit të diasporës. Pas takimit me emigrantët shqiptarë në Athinë, kryeministri Edi Rama do të takohet sot me shqiptarët e Italisë.
Siç është njoftuar, shqiptarët do të mblidhen në pallatin e sportit në Busto Arsizio dhe aktiviteti do të nisë në orën 11.00.
Në një postim të bërë në mediat sociale mëngjesin e së dielës, kreu i qeverisë shkruan se “sipas kërkesës, kësaj radhe pallati i sportit do të jetë më i madh se ai në Athinë.”
“...me shpresën që askush nuk do të mbetet pa gjetur vend siç fatkeqësisht na ndodhi në Greqi...”
Turi i diasporës nisi të dielën e 12 majit në Athinë, ku kreu i qeverisë u takua me shqiptarët e Greqisë, i radhës është takimi i Milanos dhe më pas në qershor do të bëhet në Londër, takimi me shqiptarët e Britanisë së Madhe e më pas më 16 qershor në Dusseldorf me shqiptarët e Gjermanisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
