.png)
Gazeta Si - Ish-presidenti i SHBA-së, Donald Trump është paditur me akuzën e posedimit të dokumenteve sekrete të ruajtura në Mar-a-Lago dhe të vjedhura nga Shtëpia e Bardhë.
Këtë e bëri të ditur vetë miliarderi, i cili u thirr në gjykatën e Majemit të martën, në orën 15:00, për t'u përgjigjur për shtatë akuza.
“Kjo është një ditë e zezë për Amerikën, ne jemi një vend në rënie serioze dhe të shpejtë”, komentoi Trump, duke denoncuar faktin se me “çështjen e kutive”, po tentohet të “ndërhyhet në zgjedhje”.
Ish-presidenti amerikan u akuzua zyrtarisht nga Departamenti i Drejtësisë si pjesë e hetimit për dokumentet e klasifikuara të gjetura në verën e vitit 2022 në rezidencën e tij private në Mar-a-Lago, Florida. Ndër akuzat do të ishte edhe shkelja e ligjit të spiunazhit për mbajtjen vullnetare të dokumenteve që lidhen me mbrojtjen kombëtare dhe mos dorëzimin e tyre tek përgjegjësit.
Hetimi u koordinua nga stafi i këshilltarit special Jack Smith, i emëruar nga Departamenti i Drejtësisë, dhe nga dy juri të mëdha me bazë në Uashington dhe Florida.
Donald Trump bëhet kështu ish-presidenti i parë në historinë e SHBA-ve që përballet me akuza federale.
Akuza që, sipas gazetës “Neë York Times”, i vendosin Shtetet e Bashkuara në "një pozicion të jashtëzakonshëm, duke pasur parasysh se Trump nuk është vetëm një ish-president, por edhe kandidati kryesor për nominimin republikan në zgjedhjet e vitit 2024 që mund të përballet me Joe Biden, administrata e të cilit tani po përpiqet ta padisë atë”.
"Dalin kundër një presidenti popullor" me "mashtrimin e dokumenteve. Kjo është ndërhyrje në zgjedhje në nivelin më të lartë. Unë jam një njeri i pafajshëm", ka deklaruar Donald Trump në një video të postuar në rrjetin social "Truth” për letrat sekrete të larguara nga Shtëpia e Bardhë.
"Ata duan të shkatërrojnë reputacionin tim, sepse duan të fitojnë zgjedhjet", vëren ai.
Dhe kryetari i Dhomës, republikani Kevin McCarthy, argumenton se "është e paimagjinueshme që një president të fajësojë një kandidat që e sfidon atë. Joe Biden ka mbajtur dokumente të klasifikuara për dekada".
Hetimi për dokumentet sekrete të Trump filloi në vitin 2021, kur Arkivi Kombëtar vuri re se ish-presidenti nuk i kishte dorëzuar të gjitha dokumentet pas largimit nga Shtëpia e Bardhë.
Filloi një mosmarrëveshje, e cila më pas rezultoi në kërkimin e FBI-së në Mar-a-Lago vitin e kaluar dhe, tani, në aktakuzë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
