.png)
Një sasi tritoli ka shpërthyer mbrëmjen e të dielës në portën e banesës aktivistit të Partisë Demokratike, Ilgnor Vora në Shijak.
Nga burime policore, bëhet me dije se nuk ka persona të lënduar, por vetëm dëme materiale. Në vendngjarje ka shkuar policia, e cila ka shoqëruar disa persona në komisariat.
Lidhur me këtë rast, Partia Demokratike thotë se bëhet fjalë për një akt kriminal dhe kërkon menjëherë zbardhjen e ngjarjes dhe vënien para drejtësisë të autorëve.
“Duke i shprehur të gjithë solidaritetin familjes Vora, ne e konsiderojmë këtë akt kriminal të papranueshëm, të rëndë dhe kërkojmë zbardhjen pa vonesa të kësaj ngjarje dhe vënien menjëherë përpara përgjegjësisë të autorëve, - thuhet në një deklaratë për mediat. - Ngjarje të rënda si kjo dhe aktet kriminale të kohëve të fundit, janë thirrje ulëritëse për organet ligjzbatuese për të vepruar me shpejtësi, profesionalizëm dhe paanësi për mbrojtjen e rendit dhe sigurisë publike, si dhe jetës e pronës së qytetarëve“, - reagon PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
