Sektori i Garave pranë Federatës Shqiptare të Futbollit ka përcaktuar kalendarin e Kategorisë Superiore, për javën e 20, 21 dhe 22-të, të cilat do të zhvillohen në harkun kohor të 12 ditëve.
E planifikuar për t’u luajtur ditën e mërkurë, java e 20-të u shty për në fundjavë, ku të shtunë dhe të dielën do të luhen 5 sfidat e planifikuara. Ndërkohë për sa i përket 2 javëve ne vijim, ato do të zhvillohen në datat 26-27 shkurt si dhe 3 mars.
Pra në harkun kohor të 12 ditëve, janë planifikuar të zhvillohen 3 javët në vijim, që vijnë me përballje tepër interesante ku spikasin, Kukësi-Partizani, Vllaznia-Tirana, Partizani-Laçi, Kukësi-Laçi. Java e 20-të e Superiores nuk u luajt të mërkurën, siç ishte parashikuar në kalendar. Ky vendimi i FSHF-së erdhi për shkak të kushteve të rënduara atmosferike në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
