Policia e Përmetit ka vënë në pranga një 24-vjeçar, pasi u kap duke transportuar lëndë drusore në mjetin pa leje drejtimi.
Policia thotë se në vendin e quajtur “Kryqëzimi i Ballabanit”, Këlcyrë, është ndaluar shtetasi H. Sh., i cili po transportonte me një mjet tip furgon, dru të prera në mënyrë të paligjshme.
Gjatë kontrollit të dokumentacionit, policia ka konstatuar se shtetasi H. Sh. po drejtonte mjetin pa leje drejtimi.
Në përfundim të veprimeve u bë arrestimi në flagrancë i shtetasit H. Sh., 24 vjeç, banues në Gjirokastër, për veprat penale “Drejtimi i automjeteve në mënyrë të parregullt” dhe “Prerja e paligjshme e pyjeve” dhe materialet i kaluan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.