.png)
Nxënësit e shkollës së mesme “Seid Najdeni” në Dibër, janë dhunuar verbalisht dhe janë kërcënuar teksa kanë protestuar kundër transferimit të paligjshëm të mësueses së tyre, Fatbardha Miftari. Roja i shkollës, me urdhër të Drejtorisë, ka tentuar të godasë nxënësit.
Mësuesja e shkollës detyrohet, pa dëshirën e saj të japë mësim në fshatin Mustafë në Arrëz e të bëjë çdo ditë 5 orë udhëtim vajtje-ardhje. Për shkak të protestës, prindërit e nxënësve dhe mësuesit që i kanë mbështetur, janë kërcënuar me heqje nga puna.
“Edhe përse kërcënimet kanë qenë nga më të tmerrshmet për ju, për prindërit tuaj për heqje nga puna, për mësues që u janë dhënë vërejtje se ju keni dalë këtu për lirinë e fjalës. Ecni rrugën e drejtësisë”, është shprehur mësuesja Fatbardha Miftari.
Ndërkohë, nxënësit shprehen se ka pasur kërcënime për të hequr edhe prindërit nga puna.
“Gjatë mbrëmjes së djeshme ka pasur shumë kërcënime me telefonata për heqjen e prindërve nga puna, apo kërcënime nga më të ndryshmet. Ne nuk do të ndalemi. Edhe përse ka kërcënime, ne do ta çojmë këtë punë deri në fund”, është shprehur një nga nxënësit protestues.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
