Thellohet bilanci i viktimave të tragjedisë në familjen Gjoka në Velipojë pas shpërthimit të bombolës së gazit disa javë më parë.
Pas dy vajzave, këtë të hënë ka ndërruar jetë edhe nëna, e cila ishte shtruar në një spital të Italisë në gjendje të rëndë pas tragjedisë që ndodhi në 4 korrik.
Kështu, 40-vjeçarja Alketa Gjoka nuk ka mundur t’i mbijetojë plagëve të rënda që kishte marrë. Pas shpërthimit, gjetën vdekjen vajza e saj e madhe Daniela Gjoka 19-vjeçe dhe vajza e vogël, Klarisa Gjoka 15 vjeçe.
Në spital, në gjendje të rëndë, vijon të qëndrojë djali i familjes, i cili për fat të keq ka humbur nënën dhe dy motrat e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.