Katër anëtarët e një familje kanë mbetur të plagosur, si pasojë e shpërthimit të disa bombolave të gazit në një hotel.
Mësohet se të plagosur kanë mbetur Klarisa Gjika 15 vjeç, Danjela Gjoka 18 vjeç, Enriko Gjoka 19 vjeç dhe Alketa Gjoka 30 vjeç, pronarë të hotelit.
Bombulat kanë qenë në një magazinë në pjesën e pasme të hotelit, të cilat kanë shpërthyer njëra pas tjetrës. Mësohet se fuqia e shpërthimit ka qenë tepër e fortë sa ka shkatërruar pothuajse të gjithë katin e parë e hotelit 3-katësh.
Mësohet se të plagosurit janë në gjendje të rëndë shëndetësore dhe janë dërguar me urgjencë drejt spitalit të Shkodrës për marrjen e ndihmës mjekësore. Sipas mjekëve të spitalit të djegie plastikës, nëna me tre fëmijët e saj janë në rrezik për jetën.
Tre fëmijët, Klarisa 15 vjeç, Danjela 18 vjeç dhe Enriko 12 vjeç kanë djegie në në masën 80-90 % të trupit, ndërsa e ëma e tyre Alketa 40 vjeçe, ka djegie në shkallën 60%.
Në vendin e ngjarjes ndodhen policia, forcat zjarrfikëse dhe ekspertët për të përcaktuar shkaqet e shpërthimit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.