.png)
Gazeta Si – Një 56-vjeçare shqiptare ka humbur jetën tragjikisht në qendër të Manhatanit në Nju Jork, ku ka rënë në një pusetë të hapur.
Viktima është identifikuar si Donika Gocaj nga Shkodra. Sipas dëshmitarëve, 56-vjeçarja kishte parkuar automjetin e saj dhe sapo doli, ra në pustetën elektrike 3 metra të thellë. Dyshohet se avulli i nxehtë brenda pusetës, rreth 3 metra të thellë, i shkaktoi arrest kardiak.
“Ajo po bërtiste, ‘Po vdes’, kjo është ajo që e dëgjoja vazhdimisht duke bërtitur”, – tha Carlton Wood për mediat amerikane.
“Ajo nuk ishte e shpërqendruar, nuk hyri në një kantier ndërtimi, parkoi makinën e saj, doli nga makina dhe ra direkt në pusetë”.
Një operacion i vështirë shpëtimi u organizua nga zjarrfikësit, të cilët përdorën shkallë për të hyrë në pusetë.
Kur u nxor, Donika Gocaj ishte pa ndjenja dhe pa shenja jete. Ajo u transportua me urgjencë në spital, por fatkeqësisht kishte ndërruar jetë. Familjarët thanë se nuk kishte patur asnjë tabelë paralajmëruese për pustën e hapur.
Ndërkohë, kompania “Con Edison” bëri të ditur se nga pamjet e sigurisë, dyshohet se kapaku i pusetës ishte zhvendosur pak minuta më herët nga kalimi i një kamioni të rëndë në rrugë.
Sipas kompanisë, rreth 12 minuta më vonë viktima parkoi makinën pranë vendit ku ndodhi tragjedia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje